ਪਹਿਲੇ ਚੁੰਮਣ ਤਰੀਕ ਅੱਜ ਤਕ ਵੀ
ਦਿਲ ਤੇ ਰੱਖੀ ਉਲੀਕ ਅੱਜ ਤਕ ਵੀ
ਗੋਰੀ ਧੁਪ ਵਿਚ ਧੁਆ ਕੇ ਰੱਖੀ ਹੈ
ਮੇਰੀ ਅੱਖ ਨੇ ਉਡੀਕ ਅੱਜ ਤਕ ਵੀ
ਤੇਰੀ ਗਫ਼ਲਤ ਦੀ ਪਾਈ ਰੂਹ ਤੇ ਮੇਰੀ
ਪੀਢੀ ਚੁਭਦੀ ਹੈ ਚ੍ਹੀਕ ਅੱਜ ਤਕ ਵੀ
ਯਾਦ ਤੇਰੀ ਹੈ ਕੰਡਾ ਬਣ ਕੇ ਰਹੀ
ਮੇਰੇ ਸਾਹੀਂ ਸ਼ਰੀਕ ਅੱਜ ਤਕ ਵੀ
ਕੁਝ ਕੁ ਆਹਾਂ ਤੇ ਸੈਆਂ ਗਮ ਦੁਖੜੇ
ਮੇਰੇ ਦਿਲ ਦੀ ਵਟੀਕ ਅੱਜ ਤਕ ਵੀ
ਦਰਦ ਦਫਤਰ ਤੇ ਦੁਖ ਕਿਤਾਬਾਂ ਦੀ
ਜਿੰਦ ਹੈ ਮੇਰੀ ਸਟੀਕ ਅੱਜ ਤਕ ਵੀ
ਦਬ ਲਈ ਸੀ ਜੋ ਤੇਰੇ ਜਾਣੇ ਵਕਤ
ਗੂੰਜਦੀ ਰੂਹ ਚ ਚੀਕ ਅੱਜ ਤਕ ਵੀ
No comments:
Post a Comment