Saturday, March 31, 2012

ਬੇਮੁਖ ਬੁੱਤਾਂ ਸੰਗ ਨਿਭਾ ਲ


ਬੇਮੁਖ ਬੁੱਤਾਂ ਸੰਗ ਨਿਭਾ ਲਈ
ਏਦਾਂ ਹੀ ਮੈਂ ਉਮਰ ਗਵਾ ਲਈ


ਅੰਬਰ ਪੁੱਜੀ  ਚੀਕ ਤਿਖੇਰੀ 
ਆਪਣੇ ਹੀ ਦਿਲ ਵਾਲ ਪਰਤਾ ਲਈ


 ਇਕ ਖੁਸ਼ੀ ਮੇਰੇ ਹਿੱਸੇ ਦੀ 
ਤੇਰੇ ਦੁਖਾਂ ਨਾਲ ਵਟਾ ਲਈ


ਕੁਝ ਰਸਮਾਂ ,ਰਾਹਾਂ, ਰੋਜ਼ੀ ਦੀ
ਬਾਕੀ ਤੇਰੇ ਲੇਖੇ ਲਾ ਲਈ 


ਫਿਰ ਸਾਰੀ ਉਮਰਾਂ ਦਾ ਧੁਖਣਾ 
ਦੋ ਪਲ ਮਨ ਜੋ ਅੱਗ ਮਚਾ ਲਈ


ਤੇਰਾ ਸਿਰਨਾਵਾਂ ਰਖਦੇ ਸਨ
ਹੰਝ ਡਕਾਰੇ ,ਅੱਗ ਪਚਾ ਲਈ


ਉਸ ਨੈਣਾਂ ਰਾਹ ਦਾਖਲ ਦਿਲ ਹੋ
ਪਰ ਨੈਣਾਂ ਤੋਂ ਨੀਂਦ ਚੁਰਾ ਲਈ


ਅੱਖੀਂ ਚੜ ਪਾਣੀ ਹੜ ਆਏ 
ਰਾਤ ਝਨਾ ਦੀ ਬਾਜ਼ੀ ਲਾ ਲਈ


ਸੀਨੇ ਦਾ ਖਾਲੀ ਸਿੰਘਾਸਨ 
ਅੱਥਰੇ ਦਿਲ ਨੇ ਪੀੜ ਬਹਾ ਲਈ


ਨਾਂ ਤੇਰੇ ਦਾ ਚਰਚਾ ਹੁੰਦਾ
ਚੁੱਪ ਦੇ ਓਹਲੇ ਚੀਕ ਛੁਪਾ ਲਈ 


ਤਾਂਘ ਤੇਰੀ ਉਮਰਾਂ ਦਾ ਲੇਖਾ 
ਮੱਥੇ ਕਰ ਤਕਦੀਰ ਲਿਖਾ ਲਈ


ਮੈਥੋਂ ਪਰ ਨਾ  ਮਰਨੋਂ ਪਹਿਲਾਂ ,
ਹਾਂ! ਉਸ ਨੇ ਪਰ ਮੁਕ ਮੁਕਾ ਲਈ 

1 comment:

  1. ਬੇਮੁਖ ਬੁੱਤਾਂ ਸੰਗ ਨਿਭਾ ਲਈ
    ਏਦਾਂ ਹੀ ਮੈਂ ਉਮਰ ਗਵਾ ਲਈ

    .......
    .............
    ................

    ReplyDelete