ਨਸੀਬ ਮੇਰੀ ਤਲੀ ਤੇ ਨਵਾਂ ਇਬਾਰਤ ਕਰ
ਮੈਂ ਟੁਟ ਗਿਆ ਹਾਂ ਤੂੰ ਮੈਨੂੰ ਦੁਬਾਰਾ ਸਾਬਤ ਕਰ
ਜਿਵੇਂ ਇਹ ਛਾਂ ਹੈ ਦਰਖਤਾਂ ਦੀ,ਫਲ ਵੀ ਸਾਂਝੇ ਨੇ
ਐ ਬਾਗਬਾਂ ! ਨਾ ਤੂੰ ਫੁੱਲਾਂ ਦੇ ਨਾਂ' ਸਿਆਸਤ ਕਰ
ਹੈ ਕੁਝ ਵੀ ਲੈਣ ਨੂੰ ਕਰਨਾ ਪਏਗਾ ਉਪਰਾਲਾ
ਜੇ ਹੱਕ ਦੀ , ਸਚ ਦੀ ਹੈ ਚਾਹਤ ਤਾਂ ਫਿਰ ਬਗਾਵਤ ਕਰ
ਪੁਰਾਣਾ ਤੌਰ ਅਸਾਡਾ ਕੀ ਉਸ ਦੀ ਗੱਲ ਕਰੀਏ
ਨਵੀਨ ਰਸਤੇ ਤੇਰੇ ਚਲ ਉਸੀ ਦੀ ਬਾਬਤ ਕਰ
ਲੜਾਈ ਜ਼ਿੰਦਗੀ, ਚੁੱਪਾਂ ਦੀ ਇੱਥੇ ਵੁਕਅਤ ਨਈਂ
ਸੁਣਾਣਾ ਹਾਕਿਮਾਂ ਜੇ ਬੋਲਣੇ ਦੀ ਜੁਰਅਤ ਕਰ
ਪੁਰਾਣੇ ਵਕਤ ਗਏ ਛੱਡ ਪੁਰਾਣੀਆਂ ਰਸਮਾਂ
ਨਵਾਂ ਇਹ ਦੌਰ ਨਵੇਂ ਰਾਸਤੇ ਸਥਾਪਤ ਕਰ
ਵਿਚਾਰ,ਕਾਰ ਕੋਈ ਆਂਵਦੀਆਂ ਨਸਲਾਂ ਲਈ
ਨਾ ਫੁਲ ਸਹੀ ਜੇ ਨਹੀਂ ,ਕੰਡੇ ਨਾ ਵਿਰਾਸਤ ਕਰ
-----csmann--
No comments:
Post a Comment